Shoqëria Hetuese

Emërtimi i armëve të zjarrit: Pjesa e përgjithshme

Qenjet njerëzore gabojnë. Mund ta quajmë defekt, bllokim apo çast dobësie dhe patjetër që është normale, përpos për llojin e njerëzve të cilët frekuentojnë sallat gjyqësore shpesh dhe deklarojnë provat e faktet që posedojnë kundër elementit kriminal.

Gabimet e tilla mund të shpiejnë në lirimin e tyre dhe detyrimisht këtë nuk e dëshirojmë(sidomos për faktin se na e njohin fytyrën tashmë).

Armët e zjarrit dhe emrat e tyre janë shpesh të pakuptimt e gjithashtu kryesisht të përzier për shkak të emërtimeve rrugore që kanë, në një rajon një pistoletë quhet “nëntëshe” sepse mban nëntë fishek kurse në një tjetër quhet kështu për shkak se ka kalibrin nëntë milimetërsh e zakonisht edhe mediat janë ato të cilat mbjellin emra të papërshtatshëm në kujtesën kolektive shoqërore duke e quajtur po këtë pistoletë “revole” apo duke quajtur një Kalashnikov “Pushkë automatike”.

Më poshtë keni definicionet shkencore të tyre:

Pistoletë

Armë e shkurtër pa mjete mbështetëse me tytë të shkurtër e cila shfrytëzon energjinë e cliruar nga djegia e barotit të fishekut për të rimbushur folenë nëpërmes mekanizmit të rikthimit.

Revolver

Armë e e shkurtër e zjarrit pa mjete mbështetëse me tytë të shkurtër e cila përdorë mekanizmin e këmbëzës për të rrotulluar cilindrin/mullirin me fole për të vendosur folenë e mbushur të rradhsës të barazuar me tytën në mënyrë që të mund të kryhet qitje.

Automatik

Armë me qitje automatike (më shumë se një qitje për tërheqje të këmbëzës), me tytë gjysmë të shkurtër e cila shfrytëzon energjinë e djegur nga baroti i fishekut për të rimbushur folenë.

Në gjuhën shqipe nuk ka fjalë e cila e dallon automatikun e lehtë që përdorë fishek pistolete dhe atë standardin i cili përdor fishek “intermediar” të cilët janë më të fuqishëm se të pistoletave por më pak të fuqishëm se ata të pushkëve të gjata.

Automatik i lehtë = sub machinegun në anglishte

H&K MP5 Gjerman

Pushkë ofanzive/automatik me fishek intermediar = assault rifle në anglishte

Norinco Type 56/ Poliçan ASh-72 tip1 Kinez/ Shqiptar

Pushkë e gjatë automatike ose gjysmëautomatike me fishek standard pushke = Battle rifle në anglishte

H&k G3 Gjerman

Pushkë

Mauser K98k/ Gevar 1940 Gjerman/ Suedez

Armë zjarri me tytë të gjatë e cila mund të përdor mekanizmin e rikthimit të përshkruar më lartë apo të jetë manuale.

Snajper/ Pushkë snajpere

Remington 700 Amerikan

Armë e pajisur me nishan optik e cila mund të përdor mekanizmin e rikthimit të përshkruar më lartë apo të jetë manuale

Mitraloz

IWI Negev Izraelit

Armë e prodhuar për detyra mbështetëse në ushtri, e cila ka kapacitet të fishekëve shumë të madh në krahasim llojet e tjera të armëve të zjarrit, e gjithashtu ka pjesë shumë më të qëndrueshme. Mitralozët gjithnjë janë automatik në qitje.

Nëse një armë qëllon vetëm në mënyrë gjysmëautomatike si pistoletat dhe ka “rrip” me fishek nuk është mitraloz por pushkë gjysmëautomatike me rrip.